अल्का अस्पतालय् आन्दोलन
येँ (सन्ध्या टाइम्स)/व्यवस्थापन पक्षं अन्यायपूर्वक सहकर्मीयात निष्काशन याःगु विरोधय् यलया जाउलख्यः लागाय् च्वंगु अल्का अस्पतालया कर्मचारीत आन्दोलनय् कुहां वःगु दु ।
अस्पतालय् ज्या यानाच्वंपिं अखिल नेपाल स्वास्थ्य श्रमिक संघ अस्पताल युनियनया नायः लेखनाथ चौलागाईयात व्यवस्थापन पक्षपाखें कर्मचारी निष्काशन याःगु विरोधय् थःपिं आन्दोलनय् कुहां वयागु खः धकाः जानकारी बियादीगु दु। निष्काशित याःम्ह सहकर्मीयात ससम्मान पुनवर्हाली यायेमाःगु माग यासें कर्मचारीतय्सं थौं अस्पतालया ओपीडी सेवा बन्द याःगु दु। इमिसं थौं सुथय् अस्पताल परिसरय् हे नाराबाजी तकं याःगु दु ।
अस्पतालय् अथे आन्दोलन याःगुलिं विरामीतय्त तकं लिच्वः लाःगु दु। गुलिं गुलिं विरामीत मेमेगु अस्पतालय् तकं वंगु दु ।
