जनबाहालय् सप्तविधानुत्तर पुजा
येँ (सन्ध्या टाइम्स)/२५५५ क्वःगु बुद्ध जयन्तीया लसताय् लाकाः येँया जनबाहालय् सप्तविधानुत्तर पूजा व बौद्ध स्तोत्र पाठ शुरु जूगु दु ।
वंगु म्हीग बुधवाःनिसें शुरु जूगु उगु पुजा व पाठ ज्याझ्वः थ्वहे वइगु जेठ ३ गते बुद्ध जयन्ती तक न्ह्याइगु खँ धाःगु दु। ज्याझ्वः वज्राचार्य संरक्षण गुथिया ग्वसाः कथं गुथिया संरक्षक लिसें धर्मोदय सभाया नायः पं. बद्रीरत्न वज्राचार्यया निर्देशनय् जूगु खः ।
न्हिंन्हिं सुथय् ६ निसें ९ बजे तक उगु पुजा व पाठया ज्या अन जुयाच्वंगु दु। थुकी आपालं सर्वसाधारण मनूतय्सं नं ब्वति काः वयाच्वंगु दु। बुद्ध जयन्ती कुन्हु तःजिक पुजा यानाः उगु पुजापाठ ज्याझ्वः क्वचायेकी ।
