सहमतिया राष्ट्रिय सरकार आवश्यक : खनाल

एमाले अध्यक्ष झलनाथ खनालं सहमतिया राष्ट्रिय सरकार गठन यायेमाःगु खँय् बः बियादीगु दु ।

शुक्रवाः येँय् अनेरास्ववियुं सुकुमबासी मस्तय् निंतिं याःगु 'निरक्षरता उन्मुलन अभियान'या उल्लेज्या यानादिसें अध्यक्ष खनालं सहमतिय सरकार निर्माण यायेमाःगुलि बः बियादीगु ख: ।

वयेकलं राष्ट्रिय हितया निंतिं सहमतिया साथ न्ह्या वनेगुया विकल्प मदु धयादिल । वयेकलं अंक गणितीय राजनीतिइ वंसाः देय् दुर्घटनाय् लाय् फूगुलिं दक्वं दलयात सचेत जुइमाः धयादिल । पार्टी थःगु हे नेतृत्वया सरकार गठनया निंतिं सभासदतय् हस्ताक्षर संकलन अभियानय् लगे जुयाच्वंगु ईलय् अध्यक्ष खनालया थंज्याःथु धापूयात महत्वया साथ काःगु दु ।