'एमालेयात समर्थन यानादिसं'
नेपाली कांग्रेसया सभापति व पुलांम्ह प्रधानमन्त्री गिरिजाप्रसाद कोइरालां प्रजातान्त्रिक शक्तित दथुइया एकता कायम यायेत जुसां नं एमालेया नेतृत्वय् गठन जुइगु सरकारयात समर्थन यायेत चीचीधंगू दलयात इनाप यानादीगु दु ।
शुक्रवाः थःगु हे छेँ महाराजगंजय् राप्रपा नेपालया अध्यक्ष कमल थापा नाप नापलाय्गु झ्वलय् सभापति कोइरालां पुलांगु खँ ल्वःमंकाः एमाले नेतृत्वया सरकारयात समर्थन यायेत इनाप यानादीगु खः । कोइरालां प्रजातन्त्रय् विश्वास तईपिं पार्टीत दथुइ एकता जुइमाःगु धासें एमालेयात ग्वहालि यायेत इनाप यानादीगु खः । लिसःलय् राप्रपाया अध्यक्ष थापां थ्व खँय् पार्टीया बैठकं निर्णय याइगु धासें एमालेयात समर्थन यासां सरकारय् ब्वति मकायेगु प्रतिकृया बियादिल ।
अथेहे थौं हे सभापति कोइरालां नेकपा संयुक्तया नेतात नापलाना एमालेया नेतृत्वय् गठन जुइगु सरकारयात समर्थन यायेत इनाप यानादीगु खः ।
