संविधानसभाया म्याद थप यायेत संविधान संशोधन प्रस्ताव दर्ता
सरकारं संविधानभाया म्याद दच्छिया निंतिं थप यायेत अन्तरिम संविधान संशोधन प्रस्ताव व्यवस्थापिका संसदय् दर्ता याःगु दु । मन्त्रिपरिषद्या थौं न्हिनय् च्वंगु मुँज्यां संविधानसभाया म्याद दच्छिया निंतिं थप यायेगु निर्णय यायेवं सरकारं व्यवस्थापिका संसदय् उगु प्रस्ताव दर्ता याःगु खः ।
सरकारयापाखें विद्येयक दर्ता यायेत कानुन मन्त्री प्रभू शाह, शिक्षा मन्त्री गंगालाल तुलाधार व स्वास्थ्य मन्त्री शक्तिबहादुर बस्नेत सिंहदरवारस्थित संसद् सचिवालय थ्यंकादीगु ख: । अन्तरिम संविधान २०६३या धारा ६४य् न्ह्यथनताःगु संविधानसभाया म्याद सम्बन्धी प्रवधान संशोधन यायेत उगु प्रस्ताव दर्ता याःगु खः ।
अन्तरिम संविधान २०६३या धारा ६४य् संविधनसभाया म्याद निदँ जुइगु न्ह्यथनातःगु खः । तर दच्छि न्ह्यः उकियात संशोधन यानाः स्वदँ दयेकूगु खः । संविधानसभाया म्याद थप यायेगु उगु प्रस्ताव संशोधन यायेत व्यवस्थापिका संसदया दुई तिहाई बहुमत आवश्यक जुइ ।
