सरकार हिलेत हानं खेल
येँ (सन्ध्या टाइम्स)/पार्टीया खँ मन्यं धासें प्रधानमन्त्री झलनाथ खनालयात कारवाही यायेगु खँ हयाच्वंपिं एमाले नेताद्वय माधव नेपाल व केपी ओलीं आः खनालया सरकारयात चीकाः हानं न्हूगु हे सरकार गठन यायेगु लागिं तीव्र ढंगं पलाः न्ह्याका हःगु खँ सीदुगु दु ।
वय्कःपिंसं खनालं राजीनामा बिल धाःसा वयां लिपा तुरुन्त सरकार गठन याये फइ लाकि फइ मखु धकाः कांग्रेसलिसे वार्ता यायेधुंकूगु दुसा अज्याःगु हे भाषां माओवादीलिसे नं वार्ता यानाच्वंगु खँ धाःगु दु। माओवादी नेता राम कार्कीं ला थःगु हे पार्टीया विश्वास त्याके मफुम्ह मनूयात थःपिंसं जक क्वबियाच्वने माःगु आवश्यकता मदु धयादीगु दु ।
