येँया थीथी थासय् गोलीं कयेकूपिं स्वम्हेत ज्वन

येँ महानगरिय प्रहरी अपराध महाशाखां येँया थीथी थासय् गोलीं कयेकूगु अभियोगय् स्वम्हेसित ज्वंगु दु ।

प्रहरीं वंगु चैत १० गते टेकुइ प्रेमकृष्ण महर्जन व चैत २७ गते गणबहालय् व्यापारी अञ्जनी कुमार चाचनयात गोलीं कयेकाः स्याःगु पुचःया स्वम्हेसित ज्वंगु खः । प्रहरीं निगूलिं घटनाय् छगू हे पुचलं गोलीं कयेकूगु खँ धाःगु दु ।

प्रहरीं घटनाय् संलग्न जूगु अभियोगय् राजु डंगोल, अशोक गोले व विजयन्त शर्मायात ज्वंगु दुसाः निरज केसी व सुनिल महर्जन अझ फरार जुयाच्वंगु धाःगु दु । उगु पुचलं महर्जनयात व्यक्तिगत रिसिवीया हुनिं गोलीं कयेकूगु व व्यापारी चाचनयात लुटे यायेगु ताः तयाः गोलीं कयेकूगु जानकारी प्रहरीं बिउगु दु ।