पासपोर्ट दुरुपयोग याःपिं सभासद्त विरुद्ध मुद्दा दायर

अख्तियार दुरुपयोग अनुसन्धान आयोगं कुटनीतिक पासपोर्ट दुरुपयोग याःगु द्वपंलय् ज्वनातःपिं सभासद्त वीपी यादव व गायत्री शाह विरुद्ध विशेष अदालतय् मुद्दा दायर याःगु दु ।

अख्तियारं भ्रष्टाचार निवारण ऐन २०५९ कथं सरकारी भ्वँ भिंका भ्रष्टाचार याःगु कसुरय् निम्ह सभासद् नापं मेपिं न्हय्म्ह विरुद्ध बुधवाः मुद्दा दायर याःगु दु । अख्तियारं पासपोर्ट दुरुपयोगय् १ करोड ६२ लख भ्रष्टाचार जूगु ठहर यासें न्यय्द्वं व न्यादँ जेल सजाय माग याःगु दु ।

निम्ह सभासद्त नापं अख्तियारं जनता दलया अध्यक्ष हरिशचन्द्र साह, अध्यागमन प्रमुख खडानन्द ढकाल, शाखा अधिकृत भूमिनन्द भण्डारी व श्यामबाबु भण्डारी, कम्प्युटर अधिकृत ईन्द्रकुमार सुनार व वरिष्ठ अध्यागमन सहाक देवीदत्त खत्री विरुद्ध मुद्दा दायर याःगु खः ।