प्रधानमन्त्री खनाल कन्हय् लिहांझाइगु

टर्की भ्रमणय् दीम्ह प्रधानमन्त्री झलनाथ खनाल थःगु पूर्वनिर्धारित ज्याझ्वः स्वयां न्ह्यः हे नेपाः लिहांझाइगु जूगु दु । अतिकम विकसित देय्तय् प्यक्वःगु सम्मेलनय् ब्वति कायेत टर्कीया इस्तानबुल झायादीम्ह खनाल कन्हय् नेपाः लिहां झायेत्यंगु दु ।

देय्या राजनीतिक परिस्थितियात मध्ये नजरय् तयाः प्रधानमन्त्री खनालं थःगु झिन्हुन्यंकया भ्रमण चिहाक यानाः कन्हय् लिहां झायेत्यंगु खः । प्रधानमन्त्री खनाल कन्हय् सुथय् ८ बजे येँय् थ्यंकादीगु ज्याझ्वः दु ।