अप्पापाखें न्हूगु विश्व कीर्तिमान / २१क्वःगु खुसिइ सगरमाथाया च्वकाय्

अप्पा शेर्पां २१क्वःगु खुसिइ विश्वया दकलय् तजाःगु च्वापुगुँ सगरमाथा गयाः न्हूगु विश्व कीर्तिमान तःगु दु । अप्पां २०क्वःगु खुसिइ तक सगरमाथा गयाः थःम्हं हे दयेकूगु कीर्तिमानया थासय् न्हूगु कीर्तिमान तःगु खः ।

थौं सुथय् सवा ९ बजे ८८४८ मिटर तजाःगु सगरमाथाया च्वकाय् तक सफलतापूर्वक अरोहण यानाः अप्पां थुगु रेकर्ड तःगु खः । अप्पां दकलय् न्हापां सन् १९९०य् न्हापांगु खुसिइ सगरमाथाया आरोहण याःगु खः ।