क्षेत्री समाजपाखें पश्चिमाञ्चल बन्द
पोखरा औद्योगिक क्षेत्रय् तोडफोड
जातिय आधारय् राज्य पुर्नसंरचना यायेमज्यूगु धासें क्षेत्री समाजं थौं याःगु पश्चिमाञ्चल क्षेत्र बन्दं अनया जनजीवन प्रभावित जूगु दु । निन्हु न्ह्यः जक राप्ती अञ्चल बन्द याःगु समाजं थौं धौलागिरी, गण्डकी व लुम्बिनी बन्दया आव्हान याःगु खः । बन्दया हुनिं स्वंगूलिं अञ्चलया शैक्षिक संस्था, कलकारखाना, ज्याकू आदि बन्द जूगु दुसाः ताःहाकःगु दुरुया सावरीइ नं प्रभावित जूगु दु ।
उखे पोखारस्थित पोखरा औद्योगिक क्षेत्रय् बन्दकर्तातय्सं तोडफोड याःगु दु । बन्दया अवज्ञा याःगु धासें प्रर्दशनकारीतय्सं औद्यौगिक क्षेत्रय् च्वंगु छगः मेसिन, स्वंगः गाडी, कम्प्युटर, टेबल लगायत समान तोडफोड यानाबिउगु दु ।
समाजं क्षेत्री जातियात आदिवासीया धलखय् दुथ्याकेमाःगु, इलय् हे संविधान निर्माण यायेमाःगु लगायत न्हय्गू बुँदे माग तयाः बन्दया आव्हान याःगु खः ।
