बन्द मयायेत नेवाःतय् इनाप

येँ (सन्ध्या टाइम्स)/नेपाल आदिवासी जनजाति महासंघया कुतलय् दयेकूगु आदिवासी जनजाति आन्दोलन राष्ट्रिय मोर्चां आह्वान यानातःगु बैशाख ३० गतेया नेपाल बन्द ज्याझ्वलय् नेवाः स्वायत्त प्रदेश बन्द मयायेत नेवाः स्वायत्त राज्य मंकाः संघर्ष समितिं इनाप याःगु दु। वइगु ३० गते बुंगद्यः जात्रया झ्वलय् लगंयाः जुइगु, अप्वः नेवाःतय् उखुन्हु देपुजा नं लाःगुलिं बन्द यात धाःसा नेवाः संस्कृतिइ लिच्वः लाइगु जुयाः अबलय् बन्द मयासे मेगु हे दिनय् बन्द यायेत इनाप यासें मंकाः संघर्ष समितिं पौ नं बीधुंकूगु दु। अथे हे मोर्चां याःगु जातीय स्वायत्तता नापं स्वशासन, आत्म निर्णयया अधिकार, न्हूगु संविधान इलय् हे जारी यायेत जूगु मागयात धाःसा नेवाः स्वायत्त राज्य मंकाः संघर्ष समितिं समर्थन याःगु दु। तर नेवाःतय् भावना थुइकाः ३० गते बन्द मयायेत नं इनाप याःगु दु ।