सगरमाथा गयेत भारत-पाक टीम
येँ (सन्ध्या टाइम्स)/विश्वया दकलय् तजाःगु च्वापुगुँ सगरमाथा गयेगु लागिं पाकिस्तानी व भारतीय आरोही समेत जानाः छगू टीम तयार याःगु दु। ओसामा बिन लादेन पाकिस्तानय् सुलाच्वंगु लुल धइगु समाचार पिहां वयाः हानं तनावग्रस्त जूगु भारत-पाकिस्तान स्वापुती नेपाःया सगरमाथा गयेगु ज्याय् धाःसा निगुलिं देय् जानाः छगू हे टीम दयेकल धाःगु समाचारं धाःसा सुखद् सन्देश बिउगु दु। आः नकतिनि तयार याःगु उगु टिमय् भारतपाखें हरिओम, ऋचा सेकान्ड, टीना मेना दुथ्याःसा पाकिस्तानपाखें मेहदी आमिनी अहाङ्ग दुथ्याःगु खः ।
उखे ८२ दँय् सगरमाथा गयेगु झ्वलय् मदुम्ह पुलांम्ह मन्त्री शैलेन्द्रकुमार उपाध्यायया शव थौं आधारशिविपाखे हयेत्यंगु दु ।
