कृष्णया मां मंत

येँ (सन्ध्या टाइम्स)/'सन्ध्या टाइम्स' या संवाददाता कृष्ण प्रजापतिया मां मोहनमाया प्रजापति थौं सुथय् मंत। वय्कः ८० दँ दुम्ह खः ।

मय्जु प्रजापति वंगु छुं न्हि न्ह्यवंनिसें क्यान्सर ल्वचं कयाः उसाँय् मदयाच्वंम्ह खः। ख्वपया क्यान्सर अस्पतालय् वासः यानाः नं मलंसेंलि वय्कःयात छेँय् तुं लित छ्वया हःगु खः।
मदुम्ह प्रजापतिया जहान नापं निम्ह म्ह्याय् व निम्ह कायपिं दी। थौं हे वय्कःया अन्त्येष्टि नं क्वचाःगु दु ।