रुकुम व धादिङय् बस दुर्घटना / न्याम्ह सित, न्हय्छम्ह घाःपाः

मंगलवाः सुथय् रुकुम व धादिङय् जूगु ब्यागलं ब्यागलं बस दुर्घटनाय् न्याम्ह सीगु दुसाः न्हय्छम्ह घाःपाः जूगु दु ।

रुकुमं दाङपाखे वनाच्वंगु रा. १. ख. ३६५ नम्बरया यात्रुबहाक बस रुकुमया मुरु गाविस नापसं दुर्घटनाग्रस्त जूगु खः । बसय् क्षमता स्वयां अप्व यात्रुत दुगुलिं बस सतकं ३ सय मिटर क्वयेकुतुवंगु खँ धाःगु दु । उगु दुर्घटनाय् प्यम्ह यात्रुत सीगु खःसा खुइछम्ह घाःपाः जूगु खः । घाःपाः जूपिंत खलंगाय् वासः याकातःगु दु ।

उखे धादिङया भमेस्थानय् जूगु दुर्घटनाय् छम्ह सीगु दुसाः झिम्ह घाःपाः जूगु दु । बागलुङं येँय् वयाच्वंगु ना. ३. ख. ९६८१ नम्बरया बस दुर्घटनाय् बागलुङया सूर्यबहादुर मल्ल सीगु खः । दुर्घटनाय् घाःपाः जूपिं झिम्हेसित वासः यायेगु निंतिं येँ हःगु दु ।