देपुजां लिहां वःपिंत ठक्कर
ख्वप (सन्ध्या टाइम्स)/देपुजा सिधयेकाः लिहां वयाच्वंपिं छगू हे परिवारया न्याम्ह मनूयात ठक्कर नकाः बेपत्ता जुयाच्वंगु गाडी ज्वनाः कारवाही यायेमाःगु माग यासें थौं सुथय् स्थानीय १४ वडाया बासिन्दातय्सं सूर्यविनायक सतक खण्ड छझाः अवरुद्ध यानाबिल। जिल्ला प्रहरी परिसरय् धर्ना बियाः स्थानीय जनतां दोषीयात कारवाही यायेमाःगु माग नं याःगु दु ।
प्रहरीं धाःसा उमित घाःपाः याना थकूगु गाडी महिन्द्र निसान मिनि ट्रक खः व उगु ट्रकयात याकनं हे पत्ता लगे यायेगु जुइ धाःगु दु। देपुजाय् वनाः लिहां वयाच्वंम्ह आशाराम सुवालयात आः सिकिस्त अवस्थाय् न्यूरो अस्पताल बांसबारीइ वासः याकाच्वंगु दु। मेपिं निम्ह बीएनबी अस्पतालय् भर्ना याना वासः याकाच्वंगु दु। घटना म्हिगः न्हिनय् १२:३० बजे पाण्डुबजार वनेगु लँय् जूगु खः ।
