नेपालया राजनीतिक अवस्थाप्रति अमेरिका चिन्तित
अमेरिकां नेपाःया लिप्पांगु राजनीतिक घटनाप्रति चिन्ता प्वंकूसें सहमति व सहकार्य यानाः न्हूगु संविधान निर्माणय् लगे जुइत दक्व दलत नाप इनाप याःगु दु ।
बहिवाः दक्षिण एशियाया पत्रकारत नाप खँल्हानादिसें अमेरिकी दक्षिण एशिया मामिला सहायक मन्त्री रिचार्ड बाउचरं न्हूगु संविधान निर्माण व शान्ति प्रक्रिया यात तार्किक निष्कर्षय् थ्यंकेगु थ्व महत्वपूर्ण ई जूगु धयादिल । वयेकलं थ्व खँय् अमेरिकां नेपाःयात न्ह्यावलें प्रोत्साहित याइ धयादिल ।
वयेकलं नेपाःया वर्तमान राजनीतिप्रति चिन्ताः प्वंकूसें अमेरिकां थ्वस्वयां राजतन्त्र ठिक धकाः बीचाः मयाइगु तर सहमति आःया आवश्यकता जूगु धयादिल । वयेकलं संविधानसभा सफलता पूर्वक क्वचाःगु लुमंकूसें संविधान सभा न्हूगु संविधान निर्माणया निंतिं तःधंगू एजेण्डा जूगु व थुकी यक्व धाइथें मनूत सहमत जूगु धयादिल ।
