'एक मधेश प्रदेश'या प्रस्ताव अस्विकार यायेत एमालेय् दवाव अभियान

एमालेया छगू दर्जन केन्द्रीय दुजःतय्सं राष्ट्रियताया मुद्धाय् सुं नाप नं सम्झौता मयायेत पार्टी नेतृत्वयात सुझाव ब्यूगु दु ।

केन्द्रीय दुजःतय्सं 'एक मधेश एक प्रदेश' स्विकार यानाः एमाले सरकारय् वंसाः केन्द्रीय समितिइ विद्रोह यायेगु चेतावनी नं ब्यूगु दु । थःगु नेतृत्वय् न्हूगु सरकारया बहुमत देयेकेत नेतात व्यस्त जुयाच्वंगु ईलय् छगू दर्जन केन्द्रीय दसजःतय्सं देय्या हित व अखण्डतायात सत्ताय् वनेगु त्वाथः मदेयेकेत सुझाव ब्यूगु दु ।

मधेशी दलतय्सं 'छगू मधेश छगू प्रदेश'या मुद्धाय् सहमति यासाः एमालेया नेतृत्वया सरकारयात समर्थन यायेगु प्रस्ताव न्ह्यब्वयेवं छुं केन्द्रीय दुजःतय्सं मधेश स्वायत्तः प्रदेश स्विकार यायेगु पार्टी निर्णय विपरित अभियान न्ह्याकूगु दु ।