निम्ह सभासद्तय्त झिंप्यन्हु कुनेत अनुमित

कुटनीटिक पासपोर्ट दुरुपयोग याःपिं निम्ह सभासद्त विश्वनाथ प्रसाद यादव व गायत्री साहयात झिंप्यन्हु कुनेत विशेष अदालतं अनुमति बिउगु दु । अदालतया अध्यक्ष गौरीबहादुर कार्की व दुजःत ओमप्रकाश मिश्र व केदारप्रसाद चालिसेया मंकाः इजलासं शुक्रवाः निसें लागु जुइ कथं झिंप्यन्हु कुनेत अनुमति बिउगु खः ।

येँ जिल्ला अदालतं शुक्रवाः धरौटीइ त्वःतेवं अख्तियार दुरुपयोग अनुसन्धान आयोगं नियन्त्रणय् काःपिं सभासद्तय्त छानबिन यायेगु निंतिं झिंप्यन्हु कुनेत अदालतं आदेश बिउगु खः । अख्तियारं सभासद्तय्त ज्वनेवं भ्रष्टाचार व पदया दुरुपयोग याःगु धासें मुद्दा न्ह्याकूगु खः ।