एमाले ८ नम्बरय् न्हूगु नेतृत्व
येँ (सन्ध्या टाइम्स)/नेकपा (एमाले) येँ क्षेत्र नं. ८ निर्वाचन कमिटीया म्हिगः क्वचाःगु न्हापांगु अधिवेशनं राजेश शाक्यया अध्यक्षताय् न्हूगु कमिटी नीस्वंगु दु। कमिटीया न्वकु पदय् सुरेन्द्र हर्ष वज्राचार्य, छ्यांज्येय् उदय पसःखलः व लिउ छ्यांज्ये दिपक महर्जनयात ल्यःगु दु। कमिटीइ कान्छाराम लामा, कृष्णमान श्रेष्ठ, जमुना श्रेष्ठ, ज्ञानेन्द्ररत्न वज्राचार्य नापं ३१ म्ह दुजः दु ।
एमालेया केन्द्रीय सचिव युवराज ज्ञवालीं अधिवेशनया उलेज्या यानादीगु खः। ज्याझ्वलय् मूपाहां नापं पाहांपिं उपत्यका इन्चार्ज राजेन्द्र श्रेष्ठ, वैकल्पिक केन्द्रीय दुजः जीवनराम श्रेष्ठ, येँ जिल्लाया अध्यक्ष निर्मल कुइँकेल, मनरत्न शाक्यपिंसं न्ववानादीगु खः ।
ज्याझ्वलय् पार्टीया मेपिं नं आपालं दुजःपिं पाहां कथं ब्वति कयादीगु खः ।
