संविधान निर्माणया निंतिं पुलांपि सासंदतय् अनशन

पूर्व संसद मञ्चं निर्धारित इलय् हे संविधान निर्माण यायेगु निंतिं दबाव बीत संविधानसभा भवन न्ह्यने रिले अनशन सुरु याःगु दु ।

जेठ १४ गतेतक हे न्ह्याइगु उगु अनशन थनिंनिसें न्हू बानेश्वरस्थित संविधानसभा भवनया पश्चिम गेट न्ह्ने अनशन च्वनाः सुरु जूगु खः । दलत संविधान निर्माण स्वयां नं सत्ता केन्द्रीत राजनीतिइ लगेजूगुलिं दबाव बीत अनशन न्ह्याकाःगु खँ मञ्चं धाःगु दु ।

पुलाम्ह सभामुख तारानाथ रानाभाट, सांसदत ओमकारप्रसाद श्रेष्ठ, हिरणयलाल श्रेष्ठलगायत सांसदतय्सं रिले अनशनय् ब्वति कायाच्वंगु दु ।