थौं बुटवलय् जनसभा

येँ (सन्ध्या टाइम्स)/शान्ति, संविधान व पार्टी एकताया सन्देश बीत राष्ट्रिय जागरण अभियान कथं थौं नेपाली कांग्रेसं बुटवलय् आमसभा याइगु जूगु दु। सनिलय् जुइगु उगु सभाय् कांग्रेसया सभापति सुशील कोइराला, बरिष्ठ नेता शेरबहादुर देउवा, उप सभापति रामचन्द्र पौडेल, महामन्त्री प्रकाशमान सिंह व कृष्ण सिटौलापिंसं न्ववानादीगु ज्याझ्वः दु। कांग्रेसं वंगु बैशाख ११ गते पोखरां उगु अभियान न्ह्याकूगु खःसा थ्व अन्तर्गत थीथी प्रमुख नगरय् सभा याइगु ज्याझ्वः दु ।