प्रधानमन्त्री थौं टर्की वनीगु

येँ (सन्ध्या टाइम्स)/प्रधानमन्त्री झलनाथ खनाल संयुक्त राष्ट्रसंघ सम्बद्ध विश्वया अति कम विकसित मुलुकतय्गु संगठन (एलडिसि) या कन्हसंनिसें जुइगु सम्मेलनय् ब्वति कायेत थौं टर्कीपाखे झाःगु जूगु दु। दु। एलडिसिया अध्यक्ष राष्ट्र नेपाः जूगु ल्याखं उगु सम्मेलनय् प्रधानमन्त्री खनालं संवोधन यानादीगु ज्याझ्वः दु। खनाल २१ म्हेसिया पुचःया नेतृत्व यासें थौं बहनी उखे झायेत्यंगु खः। पुचलय् प्रधानमन्त्रीया कलाः रवि चित्रकार, उप प्रधान व परराष्ट्र मन्त्री उपेन्द्र यादव, मुख्य सचिव माधव घिमिरे नापं मेमेपिं दुथ्याः। प्रधानमन्त्रीया हैसियतं खनालया थ्वहे न्हापांगु औपचारिक विदेश भ्रमण खः। प्रम जुइवं वय्कलं भारतय् न्हापांगु भ्रमण यानादीगु ग्वसाः दुगु खःसां टर्की भ्रमणं यानाः भारत भ्रमण अनिश्चित जूवंगु दु ।