थौं तामाङतय् राष्ट्रिय सम्मेलन

येँ (सन्ध्या टाइम्स)/ तामाङतय्गु राष्ट्रिय संगठन नेपाल तामाङ घेदुङया ७ क्वःगु राष्ट्रिय महाधिवेशन थनिंनिसें हेटौंडाय् जुइगु जूगु दु। 'नेपाल तामाङ घेदुङया न्हय्क्वःगु राष्ट्रिय महाधिवेशन भब्य रुपं सफल याये नु, पूर्ण अधिकार लगायत अखण्डित ताम्सालिङ निर्माण याये नु' धइगु मू नारा थ्वयेका याःगु उगु सम्मेलन २४ गते तक न्ह्याइ। थुगु सम्मेलनं प्यदँया नितिं न्हूगु नेतृत्व तकं ल्यायेगु ज्या याइ ।