हेटौंडाय् सांस्कृतिक पुचःया न्हूधाः
हेटौंडा (सन्ध्या टाइम्स)/नेवाः सांस्कृतिक पुचः मकवानपुरया न्हूधाः जूगु दु। न्हूधाः कथं नायः पदय् योगेश्वर श्रेष्ठ वःगु दुसा न्वकु बिसलाल श्रेष्ठ, छ्यांज्ये नारायण राजथला, लिउछ्यांज्ये सुमिता वज्राचार्य, दांभरि सुनकुमार मानन्धर व दुजलय् अर्जुन नकर्मि, बिष्णुगोपाल महर्जन, विद्यालक्ष्मी श्रेष्ठ, नबिन मल्ल, एलिना मल्ल व शान्ति खड्गी वःगु दु ।
निवर्तमान नायः विन्दुगोपाल गोर्खालीया सभापतित्वय् जूगु उलेज्या समारोहय् मूपाहां कथं गोपीकृष्ण गोर्खाली झाःगु खःसा गणेशकुमार श्रेष्ठ, दीपक श्रेष्ठ, सिद्धिलाल श्रेष्ठपिंसं नुगःखँ कनादीगु खः ।
ज्याझ्वलय् बाद्यगुरु विजय प्रजापति व हेटौंडा वाःपौयात हनेगु ज्या नं जूगु खः। सांस्कृतिक पुचःपाखें हेटौंडाय् यःमरि पुन्हि, यँयाः पुन्हि, सापारु आदिबलय् नेवाः संस्कृति कथंया ज्याझ्वःत याना वयाच्वंगु दु ।
