प्रहरीयात खुकुरीं पाला थकल

येँ (सन्ध्या टाइम्स)/जनताया सुरक्षा मयाः धकाः प्रहरीयात छु ब्वः बीगु? आः देशय् प्रहरी स्वयम् हे सुरक्षित मजुइधुंकल।
म्हिगः न्हिनय् हे थनया न्ह्यःखा त्वालय् निम्ह प्रहरीयात खुकुरीं पाला थकल। मोटरसाइकलय् वःपिं निम्ह मनूतय्सं अन लँय्सं दनाच्वंपिं निम्ह प्रहरीयात अन्धाधुन्ध खुकुरीं पाला बिउगु खः। उकी लानाः छ्यं व जँय् घाः लाःम्ह असईयात अस्पताल यंकूगु दु।प्रहरी वसतय् हे दुम्ह वय्कःयात छाय् प्रहार यात धइगु खँ धाःसा सी मदुनि। खुकुरीं पालाः बिसिउँ वंम्ह छम्हेसित ज्वंगु दु ।