अन्ततः सभामुखयात दवाव

येँ सन्ध्या टाइम्स÷माओ- वादीं लगातार संसद अवरुद्ध यानाच्वंगु व उिकं यानाः न्हूगु सरकार गठनय् समस्या वइगु खने दयेवं संसद पिने च्वनाः जूसां सरकार गठनया प्रकि्रया न्ह्याकेगु लािगं सभामुख सुभाष नेम्बाङयात दवाव वनेगु शुरु जूगु दु । थज्याःगु अवस्थाय् सभामुखं थःगु विशेष अधिकार प्रयोग यानाः बहुमत सभासद-तय्गु हस्ताक्षर जक स्वयाः नं सरकार गठन याके बीफु धइगु सुझाव वय्कःयात वनाच्वंगु खँ सीदुगु दु । एमाले पक्षया कानूनविद्तय्सं संवि-धानय् अज्याःगु व्यवस्था दु धासें पार्टी नेतृत्वपाखें सभामुख-यात दवाव बीकेत स्वयाच्वंगु खँ सूत्रतय्सं धाःगु दु ।

तर सभामुख नेम्बाङं धाःसा थःत अज्याःगु अधिकार दुसां संसदं पिने सरकार गठन याकेगु पक्षय् थः धाःसा मदुगु खँ स्पष्ट यानादीधुंकूगु दु । वय्कलं राष्ट्रपति रामवरण यादवयात नं नापलानाः यदि संसदं पिने च्वनाः सरकार गठन यायेगु पहल जुल धाःसा राष्ट्रपितं उकियात मान्यता मबीमाल धकाः इनाप यानादीधुंकूगु दु । राष्ट्रपतियात नापलानाः वय्-कलं सरकार संसद दुनें हे गठन जुइमाःगु खँ कनादीगु खः ।

सभामुख नेम्बाङं अज्याःगु स्थिति मवयेकेगु लािगं थम्हं हे थीथी राजनीतिक पार्टीया नेतातय्त नापलानाः खँल्हा- बल्हा न्ह्याकाच्वनादीगु दु । एमालें सरकार दयेकीगु निश्चित जुल धाःसा वय्कःयात अझ दवाव अप्वइगु अनुमान दु ।