सुरक्षाया माग यासें मेची राजमार्ग बन्द

सुरक्षाया माग यासें थौं यातायात व्यवसायीतय्सं मेची राजमार्गया यातायात बन्द याःगु दु । निन्हु न्ह्यः बसया सहचालक पूर्ण थापायात अज्ञात पुचलं आक्रमण याःगु घटनायात कयाः व्यवसायीतय्सं अनिश्चिकालीन बन्दया आह्वान याःगु खः । बन्दया हुनिं मेची राजमार्गया यातायात ठप्प जूगु दु ।

बिर्तामोडं ताप्लेजुङ वनाच्वंगु यात्रुबाहक बसया सहचाल थापायात उगु अज्ञात पुचलं आक्रमण यानाः घाःपाः यानाबिउगु खः । बन्दकर्तातय्सं आक्रमणकारी पुचःयात ज्वना कारवाही मयातले बन्द लितमकायेगु खँ धाःगु दु ।