चिनियाँ राजदूत नं सकि्रय

येँ सन्ध्या टाइम्स÷नेपाःया आन्तरिक मामिलाय् थौंकन्हय् चीनपाखें नं न्हापा स्वयां अप्वः रुची तयेगु शुरु याना हल धइगु द्वपं वयाच्वंगु हे इलय् लाक्क नेपाःया िनंितं चिनियाँ राजदूत क्यु हो हाङ नं सकि्रय जुया वःगु दु । देशय् न्हूगु सरकार गठनया तयारी जुयाच्वंगु इलय् लाक्क भारतीय राजदूत थें चिनियाँ राजदूतं नं थीथी राजनीतिक दलया नेतातय्त नापलानाः न्हूगु सरकार बारे रुची क्यनेगु याना हःगु खः ।

राजदूत हो हाङं थौं नेपाली कांग्रेसया सभापति गिरिजाप्रसाद कोइरालायात महाराजगंजय् वनाः नापलानादीगु खः । उगु इलय् वय्कलं न्हूगु सरकार गय् गथे यानाः दयेकेगु धकाः रुची तयाः न्यनेकने यानादीगु खँ सूत्रं धाःगु दु ।

राजदूत हो हाङं थ्व स्वयां न्ह्यः प्रधानमन्त्री प्रचण्ड व एमाले अध्यक्ष झलनाथ खनालयात नं नापलानाः न्हूगु सरकार गठन बारे न्यनेकने यानादीगु खः । नेपाःया सरकार गठनय् चीनं थुभनं रुची तया हःगु थ्वहे न्हापांखुसी खः ।