हानं मन्त्रिपरिषद् विस्तार
प्रधानमन्त्री झलनाथ खनालं थौं हानं मन्त्रिपरिषद् विस्तार यानादीगु दु । वय्कलं एनेकपा (माओवादी), नेकपा (एमाले), मधेशी जनअधिकार फोरम, नेकपा संयुक्त व नेकपा (माले)या मन्त्रीत दुथ्याकाः मन्त्रिपरिषद् विस्तार यानादीगु खः ।
थौं हे प्रधानमन्त्री खनालं न्हूपिं मन्त्रीतय्त सपथ ग्रहण याकादीगु दु । राष्ट्रपति भवन शितल निवसय् राष्ट्रपति डा. रामवरण यादवयात उपस्थितिइ मन्त्रीतय्त पद तथा गोपनियताया सपथ ग्रहण याकादीगु खः ।
प्यक्वःगु खुसिइ जूगु मन्त्रिपरिषद् विस्तारय् माओवादीयापाखें अग्नी सापकोटा, शक्ति बस्नेत, प्रभु शाह, महेन्द्र पासवान, जयपुरी घर्ती, रामचन्द्र चौधरी थारु, हितबहादुर तामाङ व विश्वनाथ साह दुसाः फारेमपाखें उपेन्द्र यादव, हरिनारायण चौधरी व मोहम्मद इस्तियाक राई नियुक्त जुयादीगु दु । प्रधानमन्त्री खनालं थ:गु हे पार्टीया पाखें घनश्याम भुसालयात बिना विभागीय मन्त्री नियुक्त यानादिल ।
अथेहे नेकपा संयुक्तपाखें सुनिल मानन्धर व माले समाजवादीपाखें खगेन्द्र प्रसाई नियुक्त जुयादीगु दु । प्रधानमन्त्रीं राज्यमन्त्रीइ माओवादीपाखें धर्मशिला चापागाई, देवी खड्का, ध्रुवकुमार लिम्बु व हकिकुल्लाह खाँ व फोरमपाखें नन्दनकुमार दत्त कृषि राज्य मन्त्रीइ नियुक्त यानादीगु दु ।
सपथ ग्रहण ज्याझ्वलय् महिला तथा समाज कल्याण मन्त्री नियुक्त जुयादीम्ह जयपुरी घर्ती धा:सा उपस्थित जुयामदी ।
सुयात छु मन्त्रालय :-
माओवादीयापाखें
अग्नी सापकोटा - सूचना तथा संचार
शक्ति बस्नेत - स्वास्थ्य
प्रभू शाह - कानुन
महेन्द्र पासवान - उद्योग
जयपुरी घर्ती - महिला तथा समाज कल्याण
रामचन्द्र चौधरी थारु - भूमिसुधार
हितबहादुर तामाङ - युवा तथा खेलकुद
विश्वनाथ साह - शान्ति
एमालेपाखें
घनश्याम भुसा - बिना विभागीय
फारेमपाखें
उपेन्द्र यादव - उपप्रधाननापं परराष्ट्र
हरिनारायण चौधरी - कृषि
मोहम्मद इस्तियाक राई - श्रम
नेकपा संयुक्तपाखें
सुनिल मानन्धर - वातावरण
मालेपाखें
खगेन्द्र प्रसाई - संस्कृति
राज्यमन्त्री :-
माओवादीपाखें
धर्मशिला चापागाई - सूचना व संचार
देवी खड्का - भौतिक योजना तथा निर्माण
ध्रुवकुमार लिम्बु - पर्यटन
हकिकुल्लाह खाँ - भूमिसुधार
फोरमपाखें
नन्दनकुमार दत्त - कृषि
