लादेनया विवाद
येँ (सन्ध्या टाइम्स)/ओसामा बिन लादेनयात स्यायेधुंकाः खिचे यानातःगु फोटो सार्वजनिक यायेगु वा मयायेगु धइगु खँय् विवाद ब्वलंगु दु। थ्व फोटो तसकं ग्यानापुसे च्वंगु व थुकिं मनूतय्त तुरुन्त हे भावुक याना बीगु जूगुलिं फोटो जारी यायेगु वा मयायेगु खँय् विवाद जूगु खः ।
किपाय् सीपिं सकसियां ल्हाः चिनातःगु खँ धाःगु दु। अमेरिकी सेनां उमित ज्वनेधुंकाः यकेत स्वःगु खःसां हेलिकप्टर छगः स्यंगुलिं स्याना थकूगु खँ धाःगु दु। युद्धया जूबलय् खिचे यानातःगु फिल्म धाःसा अमेरिकी राष्ट्रपति बाराक ओबामां स्वयेधुंकूगु दु। क्वथाय् अमेरिकी सेना दुहां वःबलय् लादेन थः कलाःया लिउने सू वंगु खँ धाःगु दु ।
उखे पाकिस्तानी सेनाया ब्यारेक दुगु थासं सःबसः मिटर जक तापाःगु थासय् लादेन च्वनाच्वंगु जानकारी थःपिंसं काये मफुगु खँय् पाकिस्तानी गुप्तचर संस्थां थःपिं लज्जित जुयागु खँ धाःगु दु ।
