क्वथुपुईं आचाःगु
येँ (सन्ध्या टाइम्स)/मणिसिंह महाविहार, मुसुंबहालय् क्वथुपुईं आचाःगु न्यात। क्वथुपुईं आचाःगुइ येँदेय्या क्वःने लागाया खुगू महाविहार दुथ्याः ।
थुगुसी क्वथुपुईं आचाःगुइ न्हापा लोकत्तर पूजा यानाः न्यायेकाच्वंगु दिनाच्वंगुयात मणिसिंह विहारय् लोकत्तर पूजा न्यायेकूगु खः। पूजाय् चक्रेश्वरपिं ब्रम्ह चक्र महाविहारया मोतिरत्न बज्राचार्य व बज्रशील महाविहारपिं बिज्यानाः वसपोलपिंसं हे माःगु निर्देशन बियाबिज्याःगु खः। विहारया कार्यकारिणी दुजः गौतमरत्न बज्राचार्यं आकिवंया पाःब्व मणिसंघ महाविहारयात लःल्हानादिल ।
ज्याझ्वलय् कोषाध्यक्ष मदनमुनि बज्राचार्यं प्रगति विवरण व आर्थिक विवरण न्ह्यब्वयादीगु खः। ग्वसाः खलःया संयोजक चिनियामाया बज्राचार्यया सभापतित्वय् न्ह्याःगु उगु ज्याझ्वलय् उपाध्यक्ष देवेन्द्र बज्राचार्यं लसकुस यानादीगु खः ।
