माओवादी व फोरमं मन्त्रीतय् नां छ्वल / महरायात गृह मन्त्रालय
एनेकपा (माओवादी) व मधेशी जनअधिकार फोरमं वर्तमान सरकारय् ब्वति काइपिं मन्त्रीतय् नां प्रधानमन्त्री झलनाथ खनालयात लःल्हाःगु दु ।
माओवादीं च्याम्ह मन्त्री व प्यम्ह राज्यमन्त्रीया नां सिफारिस याःगु दुसाः फोरमं स्वम्ह मन्त्री व छम्ह राज्य मन्त्रीयात नां सिफारिस याःगु दु । माओवादीं आःया उपप्रधान नापं सञ्चार मन्त्री कृष्णबहादुर महरायात गृहय् छ्वयेगु सिफरिस नं याःगु दु ।
उखे सञ्चारय् धाःसा अग्नी सापकोटा, स्वास्थ्यय् शक्ति बस्नेत, कानुनय् प्रभू शाह, उद्योगय् महेन्द्र पासवान, महिलाय् जयपुरी घर्ती, भूमिसुभारय् रामचरण थारु व युवाय् हितबहादुर तामाङया नां छ्वःगु दु ।
अथेहे माओवादी शान्ति मन्त्री वर्षमान पुन 'अनन्त'यात लितसःता उगु मन्त्रालय् विश्वनाथ साहयात सिफारिस याःगु दु । राज्य मन्त्रीइ धर्मशिला चापागाई, हबिब्बुलाह खाँ, ध्रुवकुमार लिम्बु व देवी खड्कायात ल्यःगु दु ।
उखे फोरमं पार्टी नायः उपेन्द्र यादवया नेतृत्वय् स्वम्ह मन्त्री व छम्ह राज्य मन्त्रीया नां छ्वःगु दु । फोरमं उपप्रधान नापं परराष्ट्रय् यादव, कृषिइ हरिनारायण चौधरी, श्रमय् मोहम्मद इस्तियाक राई व कृषि राज्यमन्त्रीइ नन्दनकुमार दत्तयात सिफारिश याःगु दु ।
प्रधानमन्त्री झलनाथ खनालं थौं हे माओवादीया थप मन्त्रीत व फारेमया मन्त्रीत दुथ्याकाः मन्त्रिपरिषद् विस्तार याइगु व सपथ ग्रहण याकीगु जूगु दु ।
