डोटीइ यात्रुबहाक बस दुर्घटना जुया झिंखुम्ह सित
Posted on Wed May 4, 2011 12:02 pm NST
कैलालीया धनगढीं अछामया साँफेबगर वनाच्वंगु छगः यात्रुबहाक बस थौं चान्हय् दुर्घटना जुया झिंखुम्ह यात्रुत सीगु दु ।
ना. ४. ख. ४०१२ नम्बरया बस अछाम व डोटिया सिमा क्षेत्र नापसं दुर्घटना जूगु खः । डोटीया सदरमुकाम सिलगढीं ३५ किलोमिटर तापागु थासय् बस सतकं ३सय मिटर क्वये कुतुवंगु खः ।
दुर्घटनाय् लानाः बस चालक, खलासी सहित झिंखुम्ह सीगु दुसाः नीनिम्ह घाःपाः जूगु दु । घाःपाः जूपिंत डोटी जिल्ला अस्पतालय् वासः याकातःगु दु ।
News Location:
