बुधवाः निसें क्यान्सर अस्पताल सञ्चालन जुइगु
Posted on Tue May 3, 2011 9:15 pm NST
खुन्हु न्ह्यः निसें बन्द जुयाच्वंगु भरतपुरया वीपी कोइराला क्यान्सर अस्पताल कन्हय् निसें सञ्चालन जुइगु जूगु दु ।
कार्यकारी निर्देशक नियुक्ति विवादया हुनिं बन्द जुयाच्वंगु अस्पतालया बारे स्वास्थ्य मन्त्रालयया प्रतिनिधि, प्रमुख स्वंगू दलया स्थानीय प्रतिनिधि व चिकित्सकत दथुइ सोमवा: जूगु वार्ता लिपा अस्पतला सञ्चालन यायेगु सहमति जूगु खः ।
स्वंगू पक्ष दथुइ जूगु वार्ताय् कार्यकारी निर्देशक नियुक्ति विवाद समाधानया जिम्मा स्वास्थ्य मन्त्रालयं कायेगु सहमति जूगु खः । उगु सहमति लिपा कन्हय् निसें हे बन्द अस्पताल सञ्चालनय् हयेगु क्वःछिउगु खः । खुन्हु न्ह्यः निसें अस्पताल बन्द जुयाः छम्ह बिरामी सीगु दुसाः आपालं प्रभावित जूगु दु ।
News Location:
Related Stories
निर्देशक नियुक्ति विवादं भरतपुर अस्पताल ठप्प
