पलिस्थाया मय्जु बाखं मुना
पलिस्थाया ग्वसालय् "पलिस्था मय्जु बाखं मुँज्या-११३१" वंगु शनिवाः जुल। पलिस्थाया २४ क्वःगु साहित्यिक ज्याझ्वः कथं जूगु उगु बाखं मुँज्याय् बाखंमि मय्जुपिं अमीरमैंया रञ्जित, विमला शाक्य, मीना बज्राचार्य, मोहिनी चित्रकार, रीना तुलाधर (बानिया), रेवती राजभण्डारी, रुकमिनी श्रेष्ठ, लोचनतारा तुलाधर, शशीकला मानन्धर, सरस्वती तुलाधरपिंसं बाखं पाठ यानादीगु खः ।
बाखं मुँज्याय् दुथ्याःगु बाखं वाचनय् दकलय् बांलाःम्ह बाखंब्वँमियात सिरपाः बीगु बाखंच्वमि मथुरा साय्मिया बचं कथं निर्णायक बाखं च्वमि मथुरा साय्मिया बचं कथं निर्णायक बाखं च्वमि गोविन्दराज श्रेष्ठया क्वःछिनाकथं बाखंच्वमि रीना तुलाधरयात दां तका १०२७।- सिरपाः बीगु क्वःछित ।
बाखंमि सुवर्णकेशरी चित्रकारया सभापतित्वय् जूगु उगु ज्याझ्वलय् ब्वँज्या जूगु बाखंया समीक्षा समालोचक प्रा.प्रेमशान्ति तुलाधरं यानादीगु खः ।
पलिस्थाया छ्याञ्जे प्रेम साय्मिं लसकुस यानादीगु उगु ज्याझ्वः जगतसुन्दर ब्वनेकुथि दल्लुइ जूगु खः ।
