झलनाथ लिपा झक्कुयात झापड

येँ (सन्ध्या टाइम्स)/एमालेया तत्कालिन महासचिव माधव नेपालयात बुकाः चर्चाय् वःम्ह येँ क्षेत्र नं. २ या माओवादी सभासद् झक्कुप्रसाद सुवेदीयात नं म्हिगः न्हूगु वानेश्वरय् छम्हेस्यां निथु न्यतालय् दाया बिल। अनसं हे कफि पसः चायेकाच्वंम्ह गोरखाया प्रेमराज देवकोटां वय्कःयात न्यतालय् झापड नकूगु खः। देवकोटायात ज्वंगु दुसां झक्कुं धाःसा छुं उजुरी तःगु मदुनि। देवकोटां थ्व झापड ६०१ सभासद्यात खः धकाः अभिव्यक्ति बिउगु दु। देवकोटाया थ्व ज्यायात वया कलाः सुलेखा देवकोटां नं समर्थन याःगु दु ।