बजेट मवइगु जुल

येँ (सन्ध्या टाइम्स)/कांग्रेसं समर्थन मयाइगु स्थिति पिहां वयेवं सरकारं वैशाख १४ तकया दुने बजेट हयां तुं त्वःतेगु धकाः कयातःगु नीति त्याग याःगु दु। थुकिं यानाः आः वैशाखं बजेट मवइगु जूगु दु। उकिया पलेसा आः असारपाखे हे छुं भचा न्ह्यः लाकाः बजेट वयेफु धाःगु दु। छुं जुयाः सरकारं बजेट हल धाःसा संसद हे अवरुद्ध याना बीगु ख्याच्वः कांग्रेसं बियातःगु दु। म्हिगः कांग्रेस व माओवादी दथुइ जूगु वार्ता लिपा थ्व सहमति जूगु खः ।