पत्रकार महासंघया २३क्वःगु महाधिवेशन सुरु

'शान्ति, सहमति व संविधान : नेपाल पत्रकार महासंघको अभियान' धइगु नारा बियाः नेपाल पत्रकार महासंघया २३क्वःगु महाधिवेशन सुरु जूगु दु । प्रधानमन्त्री झलनाथ खनाल थौं येँया प्रज्ञा भवनय् जूगु छगू ज्याझ्वःया दथुइ महासंघया अधिवेशनया उलेज्या यानादीगु खः ।

न्हूगु नेतृत्व तकं ल्यइगु थुगु महाधिवेशनया चुनाव धाःसा कन्हय् जक जुइगु ज्याझ्वः दु । थुगु अधिवेशनं नेतृत्व सहित ३१ पदया निंतिं न्हूपिं पदाधिकारीत चयन याइ । नेतृत्वया निंतिं न्याम्ह नापं गुइच्याम्हेसिनं उम्मेदवारी बिउगु दु ।

नेतृत्वया निंतिं प्रसे चौतारी व क्रान्तिकारी पत्रकार संघपाखें मंका: कथं शिव गाउँले व प्रेस युनियनपाखें पोषण केसीं उम्मेदवारी बिउगु दु । अथेहे पत्रकार केदार कोइराला, डम्बर गिरी व चन्द्रदेव कामितं नं उम्मेदवारी बिउगु दु ।