निगू मधेशवादी दलतय्सं एमाले नेतृत्वया सरकारयात समर्थन याइगु
संयुक्त मधेशी मोर्चाय् दुथ्याःगु निगू दलतय्सं एमालेया नेतृत्वय् गठन जुइगु न्हूगु सरकारयात समर्थन याइगु व मेगू दलतय्त नं समर्थन यायेत इनाप याइगु जूगु दु ।
बिहिवाः सुथय् कांग्रेस सभापति गिरिजाप्रसाद कोइरालाया निवास महाराजगंजय् जूगु प्यंगू दलया बैठकय् निगू मधेशवादी दलत तराई-मधेश लोकतान्त्रिक पार्टी व सद्भावना पार्टीं एमाले सरकारयात समर्थन यायेत सहमत जूगु खः । संयुक्त मधेशी मोर्चाया स्वंगुलिं दलयात बैठकय् व्वनात:गु खसां मधेशी जनअधिकार फोरम थःगु पार्टीया आन्तरिक बैठकय् व्यस्थ जूगुलिं अनुपस्थित जूगु खः ।
थौंया बैठकय् मधेशी दलतय्सं कांग्रेस व एमालेयात मधशीतय् माग बारे स्पष्ट जुइत इनाप याःगु खसाः कांग्रेस व एमालें सरकार व मधेशवादी दलत दथुइ जूगु सहमति प्रति प्रतिबद्धता प्वंकूगु दु ।
कांग्रेस, एमाले व स्वंगूलिं मधेशवादी दलत दथुइ थौं हे हाकनं बैठक च्वनेगु सहमति जूगु दु । न्हूगु सरकार गठन यायेत मधेशवादी दलतय् महत्वपूर्ण ल्हाः दु ।
