हानं मेम्ह नेतायात न्यतालय् दाल

वंगु माघ ६ गते इटहरीइ नेकपा (एमाले)या नायः झलनाथ खनालयात न्यातालय् दाःगु घटना साम्य जुइधुंकाः थौं हानं मेम्ह नेतायात न्यातालय् दाःगु दु । थुगुसी धाःसा एनेकपा (माओवादी)या नेता झक्कुप्रसाद सुवेदीयात येँय् हे न्यातालय् दाःगु दु ।

सोमवाः सनिलय् व्यवस्थापिका संसदं छेँय् वनाच्वंगु इलय् तीनकुने सुविधानगरस्थित कफी सपया सञ्चालक प्रेमराज देवकोटां वय्कःयात न्यातालय् दाःगु खः । संविधान गवलय् च्वयेगु धासें देवकोटां सभासद् सुवेदीयात दाःगु खः ।

देवकोटां सभासद् सुवेदी लँय् वनाच्वंगु इलय् पसलय् सःता संविधान गवलय् च्वयेगु धकाः न्ह्यसः तःगु खः । सभासद् सुवेदीं संविधान च्वयेगु ज्या जुयाच्वंगु दु धका: धायेवं देवकोटां न्यातालय् दाःगु खँ धाःगु दु ।

घटना लिपा गोरखा गाईसुर-८या देवकोटायात बानेश्वर प्रहरीं नियन्त्रणय् काःगु दु ।