म्याद थपे यायेत माओवादी-एमाले सहमत
येँ (सन्ध्या टाइम्स)/संविधानसभाया म्याद थपे यायेगु विषययात कयाः सत्तारुढ दल एकीकृत माओवादी व एमाले दथुइ सहमति जूगु दु ।
माओवादी संसदीय दलया ज्याकू सिंहदरवारय् थौं सुथय् निगू दलया शीर्ष नेतातय् दथुइ जूगु बैठकय् जेठ १४ गते लिपा संविधानसभाया म्याद हाकनं थप यायेगु खँय् सहमति जूगु खः ।
आः प्रमुख प्रतिपक्षी दल नेपाली कांग्रेस लगायत मेमेगु दलतलिसे नं सहलह ब्याकाः संविधानसभाया म्याद थप यायेगु खँय् नं माओवादी व एमाले दथुइ सहमति जूगु दु।
आः संविधानसभाया म्याद गुलि थप यायेगु धइगु विषयय् धाःसा मेमेगु दलया नेतातलिसे सहलह ब्याकाः जक क्वःछीगु खँ धाःगु दु। उखे कांग्रेस व मधेसी मोर्चापाखें शान्ति प्रक्रिया पूवनीगु ठोस कार्ययोजना मदयेकं संविधानसभाया म्याद थपे यायेगु जुइ मखु धकाः अडान कया वयाच्वंगु दु ।
