थनिंनिसें बजेट अधिवेशन
येँ (सन्ध्या टाइम्स)/संसदया बजेट अधिवेशन थनिंनिसें शुरु जुइ। अधिवेशनया न्हापांगु दिं थौं राष्ट्रपतिया ज्याकूपाखें वःगु अधिवेशन आह्वान पौ सभामुख सुवास नेम्वाङं न्यंकाः थौंया बैठक क्वचायेकी ।
प्रमुख प्रतिपक्ष दल नेपाली कांग्रेस नापं सरकारंपिने च्वनाच्वंगु ११ दलं जेष्ठ १४ गते न्ह्यः बजेट हल धाःसा व्यवस्थापिका संसदया बैठकयात हे पंगः थना बीगु जुइ धकाः ख्याच्वः बिया वयाच्वंगु दु। उखे बजेटया बारे धाःसा माओवादी व एमालेया नेतातय्सं कांग्रेस नापं मेमेगु दलया नेतातलिसे सहलह ब्याकेगु ज्या तिब्र रुपं न्ह्याकाहःगु दु ।
