राजनीतिक गतिरोध अन्त्य यायेगु जिम्मा प्रमया : नेम्वाङ

सभामुख सुवास नेम्वाङं राजजीतिक गतिरोध अन्त्य यायेगु जिम्मा प्रधानमन्त्री पुष्पकमल दाहाल प्रचण्डं कायेमाःगु खँ धयादीगु दु ।

बुधवाः येँय् जूगु नेपाल इन्जिनियर्स एसोसिएसनया ज्याझ्वलय् न्ववासें वयेकलं संसद व देशया नेताया कथं समस्या ज्यंकेगु निंतिं पहल थम्हं प्रधानमन्त्रीया ध्यानानर्षण यानागु खँ धयादिल । दक्वं दल नाप सहलह यानाः प्रधानमन्त्रीं आःया अवस्थाया अन्त्य यायेमाःगु धासें सभामुख नेम्वाङं न्हूगु संविधान निर्माण जुया निर्वाचन मजूतल्ले राजनीतिक दलत दथुइया उच्चस्तरया सहमति निर्माण जुइमाःगु सुझाव बियादिल ।

देय् तःहाकःगु ई तक काम चलाउ सरकारया भरय् चलेजुइ मफइगु धासें वयेकलं संसद सुचारु यानाः सरकार निर्माण प्रकृया न्ह्याकेत दलत जिम्मेवार जुइमाः धयादिल ।