विपक्षी दलतय्सं संसद अधिवेशन चले जुइमबीगु

‍नेपाली कांग्रेस लगायत प्रतिपक्षी दलतय्सं सोमवाः निसें सुरु जुइगु बजेट चले जुइमबीगु निर्णय याःगु दु ।

कांग्रेस लगायत मधेशी मोर्चानाप अवद्ध स्वंगू दल, राष्ट्रिय जनशक्ति पार्टी, राष्ट्रिय प्रजातन्त्र पार्टीलगायत झिंछगू दलतय्सं सरकारं हयेत्यंगु बजेट विफल यायेत बजेट अधिवेशन चले जुइमबीगु निर्णय याःगु दु ।

सिंहदरवारस्थित मधेशी जनअधिकार फोरम (लोकतान्त्रि)या संसदीय दलया ज्याकूथीइ आइतवाः च्वंगु मुँज्यां सरकारं शान्ति व संविधानया ज्या त्वःता बजेट हयेत्यंगुलिं उकियात विफल यायेगु निर्णय या:गु खः । झिंछगू दलं सरकारं शान्ति व संविधानयात प्राथमिकता बियाः याकनं पूवंकेगु निंतिं पलाः मन्ह्याकूतले संसद चलेजुइमबीगु धाःगु दु ।