फोरम लोकतान्त्रिकं सरकारयात समर्थन याइगु संकेत

मधेशी जनअधिकार फोरमयात उपप्रधान नापं प्यंगू मन्त्रालय बीगु सहमति जूगु कन्हय् कुन्हु मधेशी जनअधिकार फोरम लोकतान्त्रिकं नं सरकारयात समर्थन याइगु संकेत क्यंगु दु ।

फोरम लोकतान्त्रिकया नायः विजयकुमार गच्छदारं सरकारं शान्ति व संविधानयात प्राथमिकता बिउसाः सरकारयात ग्वाहालि यायेगु धासें थुगु संकेत क्यनादीगु खः । विराटनगरय् पत्रकारतनाप खँल्हाबंला यानादिसें वय्कलं शान्ति व संविधानया निंतिं सरकारयात सत्ता पिने च्वना हे ग्वाहालि यायेगु धयादिल ।

वय्कलं सरकारं शान्ति व संविधान निर्माण प्रति च्यूताः मतःगु धयादिसें यदि सरकारं थुकियात प्राथमिकताय् तःसा सरकार पिने च्वनाः हे सरकारयात ग्वाहालि यायेगु धयादिल ।