च्वसापासाया न्हूगु छेँ दनेत जग स्वन
येँ (सन्ध्या टाइम्स)/येँया कुलांभुलुइ च्वंगु च्वसापासाया छेँ आः न्हूकथं हे दनीगु जूगु दु। म्हिगः सुथय् छगू ज्याझ्वःया दथुइ नेपालभाषा एकेदमिया चान्सलर सत्यमोहन जोशीं उगु छेँया जग स्वनादिल। ज्याझ्वलय् न्ववासें वय्कलं भाषानिभाः प्रेमबहादुर कसाःया म्हगस आः तिनि पूवनीगु जुल धयादिल। च्वसापासाया नायः पद्मरत्न तुलाधरं थ्व छेँया निर्माणं नेपालभाषा आन्दोलनया इतिहासय् मेगु छगू आयाम तना बी धयादिल ।
ज्याझ्वलय् नेपालभाषा ख्यःया आपालं न्ह्यलुवा व कार्यकर्तातय् उपस्थिति दुगु खः ।
