३० गते जनजातिया नेपाल बन्द
येँ (सन्ध्या टाइम्स)/नेपाल आदिवासी जनजाति महासंघया कुतलय् दयेकूगु आदिवासी जनजातितय्गु मंकाः मोर्चा आदिवासी जनजाति आन्दोलन राष्ट्रिय मोर्चां थ्वहे वइगु बैशाख ३० गते नेपाल बन्दया आह्वान याःगु दु। जातीय स्वायत्तता नापं स्वशासन, आत्मनिर्णयया अधिकार व आदिवासी जनजातिया अधिकार सुनिश्चित जूगु न्हूगु संविधान जारी यायेमाःगु माग यासें थ्व बन्द आह्वान याःगु खः ।
कंस मंकाः मोर्चाया बैठक च्वनाः आन्दोलनया ज्यझ्वः तयार यायेत्यंगु दु। बैशाख २९ गते देय्न्यंकं मसाल जलुस व सिठ्ठी जुलुस पिकाइगु ग्वसाः दु ।
अथे हे बैशाख २९ गते थारू कल्याणकारिणीसभां थारू स्वायत्त प्रदेश सुनिश्चितताया नितिं थरुहट बन्द यायेत्यंगु दु। उगु बन्दयात नं नेपाल जनजाति महासंघं समर्थन याःगु दु ।
