स्वम्ह भिक्षुयात सिरपाः

येँ (सन्ध्या टाइम्स)/भिक्षु संवेज कीर्ति धम्म सम्मान कोषपाखें थौं सुथय् छगू ज्याझ्वःया दथुइ संघनायक भिक्षु बुद्धघोष महास्थविर, उपसंघनायक भिक्षु अश्वघोष महास्थविर व त्रिपिटकाचार्य भिक्षु कुमार काश्यप महास्थविरयात भिक्षु संवेजकीर्ति स्मृति सिरपाः लःल्हात।
बुद्ध धर्मय् वसपोलपिंसं यानाबिज्याःगु योगदानया कदर यासें उगु सिरपाः लःल्हाःगु खः। सिरपाः ३,३३३ तकाया खः। ज्याझ्वः गणमहाविहारया प्रमुख भिक्षु सोभितया अध्यक्षताय् जूगु खः ।