'राजनीतिक परिस्थितिया कारणं श्रमिक वर्गया जीवनस्तरय् हिउपा मवगु'
श्रमजीवी जनतां याःगु संघर्षं प्राप्त उपलब्धी तनीगु खतार : प्रचण्ड
प्रधानमन्त्री झलनाथ खनालं श्रमिक वर्गया जीवनस्तरय् हिउपा वयेमफुगु मू कारणं राजनीतिक परिस्थिति जूगु खँ धयादीगु दु ।
श्रमिक दिवसया लसताय् थौं छगू भिंतुना बियादिसें वय्कलं संक्रमणकालीन जटिलता व राजनीतिक परिस्थितिं श्रमिक वर्गया जीवनस्तरय् गुणात्मक हिउपा मवगु धयादिल । विज्ञप्तिइ अविकास व अस्थिर राजनीतिक व्यवस्थाया हुनिं श्रमिक वर्गं थःगु हक व अधिकार प्रत्याभूत यायेमःगु खँ न्ह्यथनातःगु दु ।
प्रधानमन्त्री खनालं श्रमजीवी जनताया जीवनस्तर उच्च व सम्मानित यायेगु निंतिं देय्यात द्रुततर रुपं आर्थिक क्रान्तिया दिशाय् यंकेमाःगु खँ विज्ञप्तिइ न्ह्यथनातःगु दु ।
अथेहे एनेकपा (माओवादी)या नायः पुष्पकमल दाहाल 'प्रचण्डं' नं श्रमिक दिवसया लसताय् भिंतुना बियादीगु दु । वय्कलं देशय् अग्रगमन व स्वाधीनताया लडाई जुयाच्वंगु धयादिसें नेपाली श्रमजीवी जनतां ताःहाकःगु सशस्त्र नापं शान्तिपूर्ण जनसंघर्षं प्राप्त याःगु उपलब्धी विरुद्ध षड्यन्त्र जुयाच्वंगुलिं उगु उपलब्धी तनीगु खतरा दुगु खँ धयादीगु दु ।
वय्कलं ताःहाकःगु संघर्षं प्राप्त उपलब्धी वास्तविक जनप्रतिनिधि संस्था संविधानसभायात असफल यानाः गणतन्त्र, संघीयता व धर्मनिरपेक्षताया उपलब्धि तकं तनीगु खतरा वःगुलिं उकिया विरुद्ध संघर्ष यायेत फुक्कसितं इनाप यानादीगु दु ।
